Bwana Mtu alimwajiri Ananse kulinda kondoo wake, lakini Ananse alikuwa akiwaiba kondoo hao.
"Mtafute anayeiba kondoo wangu!" akasema Bwana Mtu.
"Nitamkamata mwizi kwa kuandaa sherehe," akasema Ananse.
Kisha Ananse akaenda kwa Chui na akampa suruali ya ngozi ya kondoo na shati la ngozi ya kondoo. "Vaa nguo zako mpya uje nazo sherehe," akasema Ananse. "Na uimbe wimbo huu: Tazama nguo zangu zote za kondoo; tazama nguo zangu za ngozi ya kondoo."
Chui akaja sherehe akiwa amevaa nguo zake mpya, akiimba wimbo huo.
"Ni yeye!" akapiga kelele Ananse. "Huyo ndiye mwizi wa kondoo!"
Bwana Mtu akamfanya Chui akamatwe na kufungwa gerezani.