Anansi aliendelea kusema kwamba Simbamarara alikuwa farasi wa kupanda wa baba yake.
Hilo likamkasirisha Simbamarara!
Simbamarara akaenda nyumbani kwa Anansi.
“Twende nami!” akasema Simbamarara.
“Utawaambia watu wote ukweli.”
“Ninaumwa!” akaugua Anansi. “Nimedhoofika mno siwezi kutembea.”
“Basi panda mgongoni mwangu,” akasema Simbamarara.
Anansi akaleta tandiko lake, hatamu na vichokoo vyake.
“Unavihitaji vyote hivyo kwa nini?” akauliza Simbamarara.
“Ili nisianguke,” akasema Anansi. “Najisikia dhaifu mno.”
Anansi akapanda juu ya tandiko, na akamchokoa Simbamarara kwa vichokoo.
Simbamarara akakimbia.
“Kama nilivyosema!” Anansi akapiga kelele.
“Simbamarara alikuwa farasi wa kupanda wa baba yangu.
Na sasa ni wangu pia!”