Hila ya Zeze ya Ananse: Jinsi Muziki wa Buibui Ulivyosababisha Kifo cha Tacoomah

Mtu fulani alikuwa akiiba mahindi ya Tacoomah usiku.

Tacoomah akamlaumu Ananse.

"Wewe ndiye unayeiba mahindi yangu!" akasema.

"Mimi si mwizi!" akasema Ananse.

"Nitakuthibitishia kwa kukaa hapa usiku mzima nikipiga zeze."

Kisha Ananse akawaambia genge lake.

"Mtakaposikia nikipiga zeze usiku huu, nendeni mkaibe mahindi."

Huu ndio wimbo ambao Ananse aliupiga,

"Mahindi mahindi, vuna mahindi! Endeleeni,

chukueni mahindi, endeleeni!"

Ananse aliimba na kupiga zeze usiku mzima huku Tacoomah akicheza ngoma.

Kisha Tacoomah akaenda shambani kwake.

Mahindi yalikuwa yametoweka!

"Huwezi kunilaumu mimi!" akapiga kelele Ananse.

"Unajua sina hatia."

Tacoomah alikasirika sana hadi akaanguka na kufa.