Njama ya Nazi ya Ananse: Jinsi Mjanja-Kuliko-Baba Alivyomzidi Akili Baba Yake kwa Siafu

Ananse alitaka kumuua mwanawe Mjanja-Kuliko-Baba.

Mjanja-Kuliko-Baba alikuwa ameponyoka mara mbili,

lakini Ananse akamwambia Fisi, "Tujaribu tena!"

Mjanja-Kuliko-Baba akajifanya amelala,

lakini akasikiliza.

"Nitamtuma Mjanja-Kuliko-Baba juu ya mnazi,"

Ananse akamwambia Fisi. "Wewe mkamate atakaposhuka."

Basi Mjanja-Kuliko-Baba akajaza mfuko siafu wanaouma na akauficha juu ya mti.

Siku iliyofuata Ananse akasema,

"Mwanangu, nenda ukachume nazi."

Mjanja-Kuliko-Baba akapanda juu ya mnazi.

Fisi akaja na akasubiri chini.

"Daka nazi, Fisi!"

akapiga kelele Mjanja-Kuliko-Baba,

na akamtupia Fisi mfuko wa siafu.

Fisi akapiga yowe na kukimbia.

Mjanja-Kuliko-Baba alikuwa amenusurika tena.