Njama ya Kiazi ya Ananse: Jinsi Mjanja-Kuliko-Baba Alivyomhadaa Fisi

Ananse alitaka Fisi amuue mwanawe.

"Nitamtuma Mjanja-Kuliko-Baba akachukue viazi vikuu,"

akasema Ananse. "Wewe jifiche kwenye shamba la viazi vikuu umuue."

Wakati Fisi na Ananse wakizungumza,

Mjanja-Kuliko-Baba alikuwa chini ya meza, akisikiliza.

Siku iliyofuata, Ananse akamwambia Mjanja-Kuliko-Baba,

"Nenda ukachukue viazi vikuu."

Mjanja-Kuliko-Baba akaenda kwenye shamba la viazi vikuu,

lakini hakusogea karibu sana.

"Hujambo, viazi vikuu!" akapiga kelele.

Kimya.

Akapiga kelele kwa sauti kubwa zaidi. "Hamjambo huko, viazi vikuu!"

Fisi hakujua la kufanya.

"Ananse anataka nimletee viazi vikuu vinavyoongea,"

akapiga kelele Mjanja-Kuliko-Baba.

"Viazi vikuu vinavyoongea viko hapa!" akajibu Fisi.

Mjanja-Kuliko-Baba akacheka

na akakimbia kabla Fisi hajaweza kumkamata.

Na Ananse hakupata viazi vikuu hata kimoja.