Tamaa Hatari ya Ananse: Hadithi ya Taswira ya Buibui katika Mwembe

Ananse alipanda mwembe kando ya mto.

Alitaka kula maembe yote peke yake.

Ananse mroho hakutaka kupeleka embe hata moja nyumbani kwa mkewe au watoto wake.

Ananse alipokuwa akila maembe juu ya mti,

alitazama chini mtoni.

Kulikuwa na mtu mwenye maembe ndani ya maji.

Ananse aliyataka maembe hayo pia!

Ananse alitaka maembe YOTE.

Akajirusha chini majini.

Chubwi!

Lakini ilikuwa tu taswira ya Ananse.

Hakuna mtu mwingine. Hakuna maembe zaidi.

Mikondo ya mto ikamchukua Ananse, na akazama.

Hivyo ndivyo yalivyompata Ananse mroho.