Balaa ya Ngoma ya Kofia ya Ananse: Hadithi ya Jinsi Buibui Alivyopoteza Nywele Zake

Mama mkwe wa Ananse alifariki,

na Ananse akaenda mazishini akiwa amevaa nguo zake za kifahari za msiba.

Alihisi njaa wakati wa ibada ya mazishi,

kwa hiyo akanyemelea jikoni.

Akanusa harufu ya maharagwe yakipikwa!

Ananse alikuwa ndiyo kwanza amechota maharagwe mpishi alipoingia.

Lo!

Kwa aibu,

Ananse akamimina maharagwe ndani ya kofia yake ili ayale baadaye,

na akaivaa kofia kichwani.

Maharagwe ya moto yakamfanya acheze.

"Hii ni ngoma yangu ya kutikisa kofia kwa majonzi!"

Ananse akapiga kelele.

Ananse alicheza hadi akaondoka, lakini ilikuwa imeshachelewa:

maharagwe yaliunguza nywele zake zote,

na ndiyo sababu Ananse ana upara.