Chungu Hatari cha Kupikia cha Ananse katika Nchi ya Tumbili: Hadithi ya Giza ya Kiafrika

Ananse alikwenda Nchi ya Tumbili,

akiwa amebeba chungu kikubwa.

Akakijaza chungu maji na akakiweka motoni.

Tumbili akatazama.

"Maji ya uvuguvugu ni mazuri,"

akasema Ananse. "Yakipata moto sana,

sema "Bunya!" nami nitakutoa nje.

Kama hivi!" Ananse akaingia ndani ya chungu.

"Ni mazuri."

Kisha baada ya muda akasema,

"Bunya!" na Tumbili akamtoa nje.

"Sasa wewe!" akasema Ananse. Tumbili akaingia.

"Ni mazuri," akasema.

Kisha baada ya muda akasema, "Bunya!"

"Bado si bunya!" akasema Ananse. "Bunya!"

akapiga kelele Tumbili.

"Bado si bunya!" akasema Ananse.

Tumbili alipokwisha kuiva,

Ananse akamla wote!