Simbamarara alikuwa akimfukuza Ananse. Ananse alihitaji kujificha,
kwa hiyo akajificha ndani ya kibuyu cha maji cha Simbamarara.
Simbamarara hakuona Ananse alikokwenda.
Alikasirika kwamba Ananse ametoroka!
Kisha Simbamarara akachukua kibuyu chake cha maji na akaenda kuteka maji.
Ananse alilazimika kutoka, la sivyo angezama.
"Mama yake Simbamarara amekufa-kufa-KUFA!" akasema
Ananse kutoka ndani ya kibuyu, na sauti yake ikavuma.
Simbamarara akasikiliza kisha akaendelea kutembea.
"Mama yake Simbamarara amekufa-KUFA-KUFA!" Simbamarara akasikiliza tena.
"Mama yake Simbamarara AMEKUFA-KUFA-KUFA!"
Simbamarara akaangusha kibuyu na akakimbia nyumbani kwa mama yake.
Mama yake Simbamarara hakuwa amekufa. Hivyo ndivyo Ananse alivyoponyoka!